دفاتر فاضية؟؟ عندي طريقة نستفيد منها

انا اعاني من مشكله و هي اني كل ما شفت دفتر كيوت في السوق سعره تحت العشرين ريال اشتريته

و حاليا عندي عدة دفاتر فاضية تماما و اغلبها صغيرة

اشتريها لسبب بعدين اسحب عليها

فقررت اني استخدمها بشكل مفيد في افكار طبقتها و افكار بس شفتها و عجبتني

-البوليت جونال

هذي الفكره مناسبة للي يبغى يتنظم بس ما لقى بلانر ناسبه

و كتبت عنها تدوينه كاملة

هنا

- دفتر الخبرات

اغلب الدفاتر تكون مقسمه زي كذا

بس طبعا يكون الغلاف مغطيها بس اذا طالعتو من فوق او حت ممكن تشوفوه

اللي علينا هنا نختار عدة مجالات او اشياء حابين نطورها و نكتب كل شي جديد في قسمه

زي مثلا انا اخترت الى الان اربع اشياء : اللغة الفرنسية , اللغة البرتغالية , كورس تصميم جرافيكي , شطرنج

و دفتري سبعه اقسام يعني باقي ثلاث اشياء ممكن اضيفها او اخليها احتياط في حال احتجت مساحة زيادة لواحد من المجلات

-مذكرات

*طبعا* و هنا يدخل ابداعكم يا حلوين مثلا انا اخترت اني اخليه للحظات اللي اكون منفعله

اكتب الموقف اللي حصل و مشاعري وقتها و ليش انفعلت و فوائد هي الطريقة هي انك اولا تجنبتي الانفجار, تخلصتي من المشاعر السلبية بدون ما تجرحي مشاعر احد

و طبعا مستحييييل التزم بطريقة وحدة لاني اعرفني فممكن مره اكتب شعر المره اللي بعدها ارسم المره اللي بعدها ارجع لاني افصل الموقف و اكتبه بالتفصيل و هكذا

-ذكريات

هنا خلي الدفتر للحظات الجميلة ممكن تلصقي صور او قصاصات و ترجعين له اذا حسيتي بحنين للماضي

-قصص قصيرة

ممكن تنمي مهارة الكتابة عندك او تمضي الوقت الفارغ

و ممكن تخليها عشوائية من ناحية الشخصيات في حسابات كثيرة تعطيك شي تبني على اساسه القصة

(writing promts)

- مذكرات وصفات

و هنا ممكن ترسمي على الغلاف اشياء متعلقة بالطبخ و تكتبي فيه وصفاتك المفضلة ( امي سوتها ايام الثانوي و لسة محتفظة فيه و تضيف له وصفات كل فتره)

- سجل شهر

ممكن تقرري انك تحسني جزء من حياتك لمده قصيرة ( غيرت نظامي الغذائي و قطعت اشياء ضارة عشان بشرتي) و كان بفييدني الدفتر هذا من ناحية اني اسجل فيه كل شي خاص بالاسلوب الجديد هذا و اتحمس اني اكمله و ارجع اشوفه في المستقبل

- سجل تجارب و مفضلات

هنا تكتبي كل تجاربك سواء كانت عناية او طبخ او منتجات او ستايل و فائدته انك اذا بعد فتره حبيتي تغيري ستايلك عندك سجل بالاشياء اللي ماناسبتك سابقا توفير للوقت و الجهد و المال

- دفتر افكار عشوائية

ممكن تخلينها عشوائية تماما او تقسميه مثلا افكار للمدونه و افكار للرسم و افكار كتابه و هكذا

 وهذي الافكار اللي عجبتني و ممكن انفذها في المستقبل و اتمنى انها عجبتكم و اشوفكم قريب في تدوينه جديدة عن " الملاحظات اثناء الدراسة "

الاستعداد للعودة للدوامات

السلام عليكم اعزائي

من زمان ما نزلت تدوينه فقررت انو رجعتي تكون مفيدة نوعا ما

بما انو موسم "العودة للمدارس" قرب قررت انزل عدة تدوينات في هذا المجال

اليوم حأكلمكم عن كيف نبدأ نجهز بأقل تكلفه

نكتب لائحة بكل ما نحتاجه من ادوات وقرطاسية

و لاتنسو المكتب الخاص بيكم الللي حتدرسو عليه(شوفو ايش يحتاج عشان يكون المكان المثالي للدراسة)

البحث في مشتريات السنه السابقة و القرطاسية والبحث عن ما يمكن إعادة استخدامه ( اقلام، دفاتر لم يتم استخدامها)

*لسة ما سويت هذي الخطوة

كتابة لائحة جديدة ( تغطي كل احتياجاتنا)

بما انو انا في اشياء حأخليها دي أي واي قررت احط قسم مشتريات خاصه فيها

و هذي تدوينه اليوم و كذا نكون بدأنا سلسلة العودة للمدارس و التظيم و التدوين

ترقبو باقي الاجزاء قريبا  \بإذن الله 

طريقة جديدة و مبدعة للتنظيم !!! 😱😱

البوليت جورنال هي مكس بين التنظيم و التدوين و الرسم

و احلى شي فيها انو مافي قواعد ، شفتي جدول عجبك حطيه و اذا ما ناسبك الاسبوع الجاي غيريه

طبعا اختصارها هو بوجو (bu jo)

اهم عناصرها هي :

الفهرس

اهم شي اذا كنتي تستخدمينها بشكل يومي و كبير

لانه مع الوقت راح يزيد عدد صفحاتك و الاشياء اللي تضيفنها للجورنال حقتك فكويس جدا انه يكون عندك فهرس

و مكن تسوينه بأي شكل يناسبك

ملون او ابيض و اسود او تحطي فيه رسمات

سجل الاحداث القادمه

بما ان هذا للنوع من التدوين مافيه جداول مسبقة التجهيز و انتي تضيفيها بشكل أسبوعي او شهري (زي ما يريحك) تحتاجي تكوني عارفة اهم التواريخ و الاحداث القادمه في حياتك عشان ما تنسيها

المجموعات

هذي مجموعة لستات و قوائم او اي شي حابة تجمعيه

كتب حابة تقرأيها، افلام تبغي تشوفيها ، لحظات تبغى تتذكريها

اهداف تبغى تحققيها اي شي حرفيا

الرزنامه (كالندر)

هنا ترسمي الشهور كجداول و تكون مختصرة جدا و صغيرة

الشهري

طبعا هذا احد افضل الجهات في البوليت جورنال، لانه التزيين فيه يعتمد على ابداعك و رغبتك بشكل اساسي

و ممكن تحطي فيه اي شي زي ستيكي نوت فيها اهدافك، رسمه تعبر عن الشهر حرفيا اي شي

الاسبوعي

هنا تحطي الايام و تحتها مهام كل يوم

و اكرر ابداعك هو الشي اللي يحدد ايش تحطي

و الفكرة لسة جديدة نسبيا في العالم العربي بس شفت اثنين او ثلاث تكلمو عنها

في فيديوهات​ احطها لكم لاشخاص تكلمو عنها زيادة

https://youtu.be/961usMIPv3Q

https://youtu.be/yJzkwU5y2AY

https://youtu.be/PhbSmdQCA3A

و اذا رحتو لهم لا تنسو تقولو انا ارسلتكم

اهلا بالصيف / اجازة سعيدة للجميع

السلام عليكم جميعا

انا اعلن رسميا ان اليوم الموافق 23/5/2017 هو اول يوم في اجازتي الصيفية و اخر يوم من اول سنه جامعية بالنسبة لي - الحمدلله-

بما أن الاجازة بدأت هذا يعني عدة اشياء منها

- وقت فراغ كبير جدا

- اهداف 

-هوايات

- مهارات نبغى نتعلمها و نصقلها

طيب نجي لاكبر سؤال

كيف نحقق هذي الاهداف و نستغل الاجازة صح؟

تنظيم , تنظيم , تنظيييم

طيب كيف نبدأ تنظيم

اولا نمسك ورقة و قلم (ايوة ورقة و قلم مو جوال)  و نجلس لحالنا مع لابتوب او جهاز نقدر ندخل النت من خلاله

نبدأ نقسم الورقة ثلاث اقسام 

الهدف| الخطوة الاولى| تاريخ

نبدأ نكتب كل هدف و بعدها مباشرة ندخل على النت و نطبق اول خطوة 

مثال:

تحسين اللغة الانجليزية| ندخل نبحث عن دورات او مواقع تعليم لغة | نسجل تاريخ اول درس او دورة بدأناها

و هلم جرا سوي في كل اهدافك

هذي اول خطوة للحطول على اجازة صيفية مثمرة و ان شاء الله اوفر مطبوعات منظمه لرمضان و اهداف الاجازة الصيفية

و بس هذا اللي عندي دحين

اقابلكم في التدوينه الجاية

منظم اهداف الاجازة
انجليزي
https://drive.google.com/open?id=0B6J_zkIz6z7qZHJBQ2xhdHZkY1U
عربي
https://drive.google.com/open?id=0B6J_zkIz6z7qMVZuNUg0cVFlTjg

منظمي من امازون

في الفترة الاخيرة صار عندي هوس بالتنظيم و التدوين و الفضل يرجع لعدة اشخاص اولهم نورة النزاري 

و كنت دايما اشوف الاجانب و البلانرز حقتهم و ما كنت افكر انو في احد عربي عنده هذي الاهتمامات 

بعد ما شفت حسابهامرة تحمست 

و بعد ما سويت حسابي في ماي يو اس مرة تشجعت اني اطلب بلانر 

رحت مواقع كثير زي كيكي كاي و فايلو فاكس 

و انصدمت من الاسعار 

صح كنت موظفة ولكن انا انسانة صعب جدا اني احافظ على روتين او عادة لمدة طويلة 

و ما ابغا اصرف مبلغ و اكتشف اني ضيعت مبلغ كبير على شي ما راح استخدمه في النهاية 

الحل التاني كان امازون

دخلت و كتبت 

A5 binder planner 

و حصلت بلانر بتقريبا ب17 دولار و مقارنة ببلانرات كيكي كاي اللي ممكن توصل ل 50دولار السعر كان مثالي 

اخترت اللون الاحمر لانو (ما أدري) 

و سميت بالله و طلبته

https://www.amazon.com/izBuy-Protector-Refillable-8-11x5-5Inches-305-25/dp/B01FXIFPS0/ref=sr_1_10?ie=UTF8&qid=1477077399&sr=8-10&keywords=a5+planner

 عليه تخفيض حاليا صار ب 15

و طلبت معاه اوراق من هنا

https://www.amazon.com/Carpe-Diem-Double-Sided-Daily-Inserts/dp/B0188U0QSE/ref=sr_1_17?ie=UTF8&qid=1477077184&sr=8-17&keywords=planner+inserts 

انا ما كنت حاطة في بالي انو حيجي مع الاوراق اللي جوا لاني ما اخترت انها تجي معاه

و هذي صور المنظم و الاوراق اللي جات جواته 

و للاسف ما عجبتني 

اولا لونها سكري بزيادة و اغلبها بالصيني و انا ما احتاج اوراق فاضية انا احتاج جداول 

فقررت اني اصممها بنفسي ولكن لاني مرة مشغولة قررت اطلب الاوراق االي فوق في الرابط

الين افضى و اصممها 

و هذي صور الايام اللي خططتها الين دحين مع الادوات اللي استخدمها في التدوين 

و الاقلام و الاستكرات اللي استخدمها

و هذا القلم ميزته انه ينمسح و خطه شوية سميك 

هذا جزء من مجموعة تومبو اللي عندي

هذول استكرات و واشي ستريبس من امازون و الحلو فيهم انهم متنوعين يعني في بعضهم رفيعين و بعضهم سميكين و في دوائر

هذول طلبتهم من ستوديو كاليكو \ترقبو تدوينة عنهم قريبا

و حأحاول مرة في الاسبوع انزل كل الايام اللي دونتهم  في الاسبوع

و بس شكرا 

instagram : @a.5studio

crafty amino:@A's donuts

art amino:@anfal.5

اختفاء "اجباري"

السلام عليكم

ايش مسويين

طبعا  اجازة الصيف كان المفروض تكون فرصتي الذهبة عشان ادون بشكل دائم و اسوي مشاريع و شروحات صغيرة

ركزو على كان

لانو توظفت هذا الصيف لعدة اسباب

اهمها : 

انوالمدرسة بيئة صغيرة و الجامعة بيئة كبيرة مختلفة و حتقابلي ناس كثير و امكن يكون صعب التعامل معاهم فالوظيفة الصيفية كانت حل منطقي عشان اتعلم اتعامل مع الناس بمختلف انواعهم

معرفةقيمة الفلوس لانها من عرق جبيني و مجهود شخصي و بداية الاستقلال المادي من الاهل 

.

.

.

كانت عندي مشاريع و مخططات عشان المدونة ولكن قررت اني ما استسلم و احول المدونة ليوميات و منوعات اغلبها عن الفن و الاعمال اليدوية - شغفي الاول و الاخير- و التصميم و كل ما تجده نفسي مسليا 

و بس والله

 اجازة سعيدة 

الصلصال الحراري -الجزء الاول-

السلام عليكم 

ايش مسويين 

اليوم كان اخر يوم مدرسة في حياتي - خلاص تخرجت 

المهم زي ما وعدتكم اليوم حكلمكم عن الصلصال الحراري او polymer clay

نعطيكم كلام رسمي اولا بعدين ندخل في الثقيل

هو نوع ممتاز من العجائن الصالحة للتشكيل --و يتميز بعده مميزات تجعله خامة مثالية للتشكيل فهو 

يباع فى قوالب جاهزة بجميع درجات الألوان--و هو سهل فى التشكيل و متماسك بحيث يمكنا المحافظة على الشكل الذى أنتجناه 

كما أنه يخبز  فى الفرن المنزلى ليخرج فى حالة صلبة جداً و مقاوم للماء--و يمكنا اضافة لمعة زجاجية عليه من خلال الورنيش 

و شكل الصلصال الحرارى او الفيمو يشبه عجينة السيراميك غير انه يدخل فى تركيبه البلاستيك بطريقة ما مع باقى مكوناته الكيميائية --فهذه العجينة متينة وصلبة و عمرها أطول من عجينة السيراميك و أكثر قيمة منها
 لا يحتاج لتلوين لأنه أصلا ملون يستخدم كثير في الإكسسوارات و الأزارير الملونة وبعض النماذج الصغيرة، يمكن خبزه في فرن البيت. 
يخبز في فرن المنزل عند درجة حرارة 130 مئوية حتى يتصلب ثم تفصل القطع بعد الخبز و الأفضل أن يخرم قبل دخوله الفرن .

1 ) بما أن عجينة ال polymer متكونة من PVC يعني هي عبارة عن بلاستيك لا تحتوي على الماء إذا يمكن الاحتفاظ بها لمدة طويلة في مكان بعيدا عن مصدر الحرارة والغبار ، إما في غلافها أو بلاستيك الذي نغلف به الطعام حتى تستطيعي تشكيل الصلصال يجب تسخينه وذلك إما بين يديكـ بعجنها أو فردها عدة مرات بالماكينة ، 
2 ) لتسهيل خرم الحلقات غلفيها وحطيها في الثلاجة لدقائق لصنفرة العمل استعملي ورق السفرة الرطب الذي يستعمل تحت الماء (نستعمل ورق الصنفرة الأملس و نصنفر العمل تحت روبنيت الماء حتى يذهب الغبار مع الماء فلا نستنشقه و أيضا يظهر لنا نتيجة العمل ) .
3 ) لا يجب أن تتجاوز درجة حرارة الفرن 130° أو265 فهرنهيت لمدة نصف ساعة على الأكثر وإلا سوف تحترق 
4 ) لا يجب أن تشكلي العجينة فوق طاولة عليها ورنيش وإلا تفسديها.
5 ) وأخيرا ما عليك سوى ورنشة العمل إذا أردت ذلك ـويوجد ورنيش fimo بلمعة و من غير لمعة .
6 ) فرش الدهان التي تدهن بها الفيمو يمكن تنظيفها بشكل آمن من خلال الأسيتون ...
7 ) يمكن استخدام الفيمو مرات عديدة قبل أن يدخل الفرن كما يجب أن يخزن في درجه حرارة الغرفة العادية..
8 ) يغطى الصلصال بورق الألمونيوم قبل دخوله للفرن...
9 ) إن العجن الجيد قبل الاستخدام ضروري للتشكيل الفعال..

خلصنا الكلام الرسمي 

ولله الحمد -طفشت و انا اكتب 

نبدأ في الكلام المفيد

طبعا في ناس كثير تسميه "فيمو"

هذا الكلام شبه غلط لان فيمو ماركة تسوي الصلصال الحراري من شركة ستدلر

و في عدة شركات تسوي الصلصال اهمها 

فيمو

سكلبي

كايتو

كرافت سمارت 

نبدأ بالاخت الكبيرة 

فيمو 

في عدة انواع 

بروفيشنال professional 

سوفت soft 

كلاسيك classic 

ايفييكت effect 

و كل مجموعه لها مميزات 

سوفت شوية الين من الباقيين و ايفيكت فيها لماع او شكلها زي الرخام

و برو اقسى بس نتيجتها احسن شوية من الباقيين

و كلاسيك هي العادية اللي بدأت كل شي 

و نروح لماركة بريمو و سكلبي

سكلبي ثلاثة Sculpey III

سكلبي سوفليه  Sculpey Souffle

بريمو Premo

بريمو اكسنت Premo! Accents

هذي اهم انواع ولكن ادخلو على الرابط و شوفو الباقي

http://www.sculpey.com/product_category/clay-lines/

الفروقات بينهم انو سوفليه اخف في الوزن و اكسنت فيها لماع و تقريبا زي فيمو ايفيكت و بريمو اقسى شويه من الباقيين

في ماركات تانية و دحين اوريكم صورها 

و للاسف انا ما جربت غير فيمو لانو مافي غيرها عندنا في السعودية 

نجي لاماكن الشراء في السعودية 

في حساب الفن المفضل عندي 

الوان السعادة او هابينيس كلرز

http://www.happiness-colors.com/sections.php?ref=sec&id=53&department=colors

و عندهم انستاقرام

happiness_colors@

و في الفاتنة المبدعة 

http://thecreativebeauty.com/browse_184.html

توفر الصلصال و ادواته 

و كمان 

مايا

@miniclaycafactory

و متجر تميز 

https://www.instagram.com/tmiz_shop/

اذا رحتولهم قولهم انا ارسلتكم 

و اذا حابين تشوفو ايش ممكن تسوو بالصلصال 

ادخلو يوتيوب و اكتبو

polymer clay charm update

في ناس انا انصح بيهم شخصيا زي

ruth

xoxrufus@

و

https://www.instagram.com/fimo99199/

و

https://www.instagram.com/fimo__clay/

و

https://www.youtube.com/channel/UCvg5UY0y4TY_diEgAD7kp3Q/videos

وبس هذا اللي في بالي حاليا